TUSSNA I YIBUJADEN

Agugẓer

2008-09-18T16:19:00.005-04:00

tugna sɣur Vlad Gerasilmov

Tugna tamezwarut n wemtiweg yettezzin i yetri yecban iṭij

2008-09-17T17:30:00.015-04:00

ScienceDaily(15 cutember 2008) — Imusnawen n tussnayyur sakknen-d tugna tamezwarut n wayen yezmer ad yili d amtiweg yettezzin i yetri yecban Iṭij .

Tugna n 1RSX J160929.1-210524 yeṭṭef Gemini

d wayen yezmer ad yilii d amtiweg ~8 tikkal taẓẓayt

n Yebter- (tawisnest tazeggaɣt).

( tugna sɣur Gemini Observatory)

Kraḍ imusnawen seg tesdawit n Toronto sqedcen agugẓer* Gemini North yellan di Mauna Kea di Hawai akken ad ṭṭfen tugniwin n yetri meẓẓiyen 1RXS J160929.1-210524 (yeggugen azal 500 iseggasen n tafat ɣef Akal) d wemtiweg n yetri-ya.

Amtiweg agi yesɛa taẓẓayt n wazal 8 tikkal tin n Yebter, yezga lewhi n 330 tikkal amecwar n Yiṭij-Akal f yetri-ines.(amedya amtiweg yeggugen akk deg unagraw aniṭij nneɣ Neptun yettezzi i iṭij azal n 30 tikkal amecwar n Akal-Iṭij.

''Tagi d tikkelt tamezwarut i nwala srid amtiweg yettban am akken yettezzi i yetri yecban iṭij-nneɣ '' i d-yenna David Lafrenière deg umagrad i yuzen i Astrophysical Journal Letters.''Ma newwid ttbutt fell-as ad yili d asurif ameqran ar zdat i tussnayyur. ''

Tifin n wemtiweg yettezzin i yetri yeggugen anecta akk f yetri-ines tessewham. Acku macci akka llan ttwalin imusnawen amek tteddun itran d wemtiwgen nsen.

''Tifin-agi tesmektayaɣ i tikkelt nniḍen acḥal mgaraden imeɣraden, ttemllaɣ daɣen dakken agama yezmer ad yesnulfu macci kan d abrid akken ad yesɛu itri amtiweg.'' i d-yenna Ray Jayawardhana ameskar n wedlis ara yeffɣen Worlds Beyond f yemtiwgen yellan berra n unagraw aniṭij-nneɣ.

Ilaq-aɣ azal n sin iseggasen akken ad iban s ttbut dakken d tidet ayen ufan imussnayyuren d amtiweg yettezzin i yitri-ines.

Tasuqelt tussna.blogspot.com

tugna n wass

2008-08-27T12:47:00.002-04:00

Tesneḍ ismawen n tmura n isenǧaqen-agi ?

2008-01-15T19:44:00.001-05:00

Yennayer 2958

2008-01-13T17:58:00.000-05:00

Ablog amaynut: http://tizwal.blogspot.com/

2008-01-10T16:23:00.000-05:00

As nehdu i weblog ''tizwal'' snat tvidiyutin-agi i d-newwi seg tirza nneγ taneggarut ar Ottawa. nessaram-as teγzi laεmer d waṭas imagraden d leqdic igerzen.
G.t: tagara n tvidiyut tis snat a ttwalim ciṭ seg tmezgunt : tacbaylit uraren ilmeẓyen n tidukla tamaziγt di Ottawa.

Ilmend n umenzu n yennayer, Ferhat: Berwagiya

2008-01-10T01:00:00.001-05:00

Ass n 6 di tuber 2006 . Tazeqqa n Collège de Maisonneuve .

Tenger ddunit !

2008-01-09T08:22:00.000-05:00

Montreal, dujember 2006, -17. As tiniḍ tenger ddunit .

Timura n Turuft

2008-01-08T18:16:00.001-05:00

Tabagust n yesmilen

2008-01-07T20:25:00.000-05:00

Llant snat tbagustin n yesmilen deg wegraw aniṭij. Tamezwarut, tesεa 32 imelyan km di tehri, tezga gar Meγres d Yebter. Tis snat d Tabagust n Kuiper, teggug nnig n 5 imelyaren km seg yiṭij , tezga deg tlisa n unegraw aniṭij.

Imelyan n yesmilen yesεan udem izelgen zgan di tbagust tameqrant, kra d imectiṭaḥ am uεeqqa, tiyaḍ sεant imiyyaten ikilumitren di tehri.

Ameqran deg-sen, Ceres, yesεa 952 km d netta kan i d imneneḍ f idra n tudsa ines tameqrant.

Kra imusnawen ttwalin dakken kra tγawsiwin yellan deg tbagust-agi, yezmer lḥal ttekkant deg tlalit n tudert deg wemtiweg Akal.

Tabagust ur temsawi ara : kra n temnaḍin d tilmawin akk ma d tiyaḍ ččurent d ismilen.

Tabagust n Kuiper

Tabagust n Kuiper tettusemma ilmend n umusnaw Gerard Kuiper, amezwaru i tt-ibedren deg iseggasen 1950. d acu kan nerğa alamma d iseggasen 1990 akken ad sbegnen imusnawen dakken tabagust-a tella s tidett. Tamnaḍt-agi tga am izebgaten, tesεa ugar n 35 000 n iẓra yugaren 100 km di tehri.

Tadusi ines tugar s 100 iberdan tabagust tameqrant.Am tbagust tameqrant, d nettat kan i d-yeqqimen seg uḍebsi mi d-yennulfa wegraw aniṭij. Snat seg 3 yemtiwgen imceṭaḥ llant dinna: Eris d Pluton.

Asigna n Oort

Tabagust n Kuiper tezga deg tlisa n wegraw aniṭij, yezmer tella taγawsa taneggarut i s d-yezzin: asigna n Oort. D imelyaren n yeẓra yedlan s wegris yellan deg-s, yezga deg tlisa n wegraw aniṭij-nneγ.

Anadi deg tbagustin

Pioneer 10, deg yulyu 1972, d taγawsa tamezwarut yuzen wemdan γer tbagust. Iγerruba Pioneer 11, Voyager 1 d 2, Galileo, Cassini, NEAR, Ulysses d New Horizons ula d nutni sawḍen armi tabagust n Kuiper .

Γas ugaden dakken iγerruba cegεen deg inigen imezwura ad ḥazen iẓra-agi .Imusnawen fehmen γef zik lḥal dakken f idra n tadusi tamectuḥt n tbagust ur telli tugdi fell-asen.

Ad nesmekti dakken Pluton tura yettiki i yeẓra n tbagust n Kuiper, kksent imusnawen seg wegraw n yemtiwgen.

Iḥulfan

2008-01-06T14:38:00.000-05:00

Tamrikt ugafa

2008-01-06T12:51:00.000-05:00

G.T: neḍfer abrid n tidukla imedyazen deg tira n yesmawen n tmura.

2007-11-29T18:19:00.000-05:00

D acutt ? d acutt ?

2007-11-29T13:22:00.000-05:00

Kra n temseɛraq seg wedlis n M'hamed Djellaoui : ' Tiwsatin timensayin n tesrit taqbaylit ' HCA .2007

1-Sin iγuraf neǧǧren, sin ibuzaharen zehren, sin n lemsabeḥ ceɛlen.

bib-t-iyi neγ sefrut-tt-id.

2-Tarbut-iw n lmerǧan, ur ttawḍen γer-s izan.

bib-t-iyi neγ init-d aqnuẓ.

3-Ṭṭbeq-iw yeččur d iɛeqqucen, yuγal γer wudem ur yenγil.

bibt-iyi neγ ffket ilsawen nwen i wemcic.

4-Sɛiγ aḥayek ur zmireγ ad t-beṭneγ, sɛiγ idrimen ur zmireγ ad ten-ḥesbeγ, sɛiγ lbanan ur zmireγ ad-t-ččeγ.

win i tt-id-yufan ad yaf lhu, ma wayeḍ ad tt-yaγ s aqerru.

5-Aγyul n lqeḍra i yetteddun s lemḥadra, ḥemlen-t medden meṛṛa.

6-Sin leḍyur bedden γef ṣṣur, lembat-nsen du lebḥuṛ.

7-Illul-d s wacciwen, iɛac mebla acciwen, yemmut s wacciwen.

8-Ma igen ur tesgan, ma yettru ḥemden Ṛebbi.

9-ṣefṣaf ɛali, deg uxxam n lɛali, ur tt-yenjir umenjar, ur tt-yenqir umenqar, siwa Ṛebbi aǧebbar.

Inzan d igenwan

2007-11-29T12:56:00.000-05:00

Iṭij n yebrir yessebrak anyir .

Igenni ireɛed, lqaɛa tṛemmeḍ.

Susef s igenni ad uγalen s udem-ik.

Rnut-aγ-d wiyiḍ...

Agraw n yiṭij

2007-03-13T19:23:00.001-04:00

Agraw n yiṭij :

D iṭij, imtiwgen, ayyuren-nsen, itran, ismilen d tγawsiwin nniḍen. Iṭij yezga di tlemmast n wegraw n yiṭij-nneγ; imtiwgen, ismilen, ugar 61 n wayyuren, ismilen d tγawsiwin nniḍen n iẓra neγ gaz ttezzin-as i yiṭij .

Iṭij

2007-03-13T19:22:00.005-04:00

Iṭij : d itri d yezgan di tlemmast n wegraw aniṭij,d takurt tameqrant n gaz izeγlen yettezzin. gravity-ines tameqrant tettaṭṭaf imtiwgen deg imeḍqan-nsen . Iṭij yettak-aγ-d tafat d tezγel.

Iṭij d itri awraγ yeggug 149 680 000 km f wakal.
Yal aseggas, deg 2 yennayer akkenni yettqerrib ar 147.1 imelyan n yikilumitren .
ma deg 2 n yulyu akkenni yal aseggas yettbaεid ar 152.6 imelyan n yikilumitren .

Tezγel n yiṭij:
Ul n yiṭij yezmer ad isaweḍ si 10 ar 22.5 imelyan farenheit.Tezγel sufella tmurt azal n 9900 farenheit.

G.T: Ur ilaq ara att-muqleḍ srid ar yiṭij s wallen, acku yezmer ak yesderγel .

Imtiwgen

2007-03-13T19:22:00.003-04:00

Imtiwgen : ttezin-as i yiṭij .Di 8 deg-sen i illan: Markur, Wanes, Akal, Meγres, Usturn, Wranes, Yebter, Nebtun.

Ayyuren

2007-03-13T19:22:00.001-04:00

Ayyuren : ttezzin i yimtiwgen i deg ttekkan .Akal yesεa yiwen wayyur maca kra n imtiwgen sεan nnig 50. Anagar Markur d Nebtun ur nesεi ayyuren .

Azungur (asteroid)

2007-03-13T19:21:00.002-04:00

Izunguren (asteroids): d izra n ugar n 1000 km, tuget deg-sen nettaf-iten deg ubagus n asteroids ger Meγres d Yebter . D later n yemtiwgen imezwura d-yeṭṭerḍqen mi mlalen .

Tanemmirt i Agrakal i gh-d yuznen isem n asteroid s tmaziγt.

Imtiwgen n weẓru

2007-03-13T19:20:00.005-04:00

Imtiwgen n weẓru
4 yemtiwgen iqerben f yiṭij d wi:

Markur, Wanes, Akal d Meγres .

Qqaren-asen imtiwgen n weẓru neγ n wakal acku mectuḥit kra, ttwaqment am Akal .

Ismilen

2007-03-13T19:20:00.004-04:00

Ismilen: d takurt n wedfel d uγebbar yumsen yettezzin i yiṭij deg aḥbu (orbit)aγezfan. Mi ttqerribent i yiṭij, zeγlent, ttağğant later n gaz deffir-sent, yettban am akken tajeḥniṭ .

Ismilen ineggura d yettqerriben seg iṭij :Halley, Hale-Bopp d Ikeya-Zhang.

Amezruy

2007-03-13T19:20:00.003-04:00

Amezruy

Agraw n yiṭij-nneγ yebda yettlall-ed azal n 4.6 imelyaren iseggasen aya seg tegnawt n gaz yettezzin, yesherwilen. Mi iεada wukud, gaz-nni ismiḍ yeckunṭeḍ deg yiman-is yewqem tifekkiwin timeqranin neqqar-asen, imtiwgen imezwura 'protoplanets'. Tisiggar-nni weqment ismilen, yettezzin s tsusmi i yiṭij .

Imtiwgen n gaz

2007-03-13T19:19:00.001-04:00

Imtiwgen n gaz
Imtiwgen nniḍen d wi: Yebter, Saturn, Wranes d Nebtun .

Qqaren-asen ilaten n gaz, sεan izebgan d waṭas n wayyuren .Ttwaqmen s uhydrogen, helium, d waman igersen, ammonia, methane, d monoxide ukarbun.